काठमाडौँ: गत भदौ २३ र २४ गतेको जेनजी आन्दोलनसँग सम्बन्धित घटनाको छानबिनका लागि गठित जाँचबुझ आयोगले तत्कालीन प्रधानमन्त्री केपी शर्मा ओली लाई बयानका लागि बोलाउने तयारी गरेको छ।
आयोगका अध्यक्ष गौरीबहादुर कार्की ले आज सञ्चारकर्मीको प्रश्नको जवाफ दिँदै तत्कालीन गृहमन्त्री रमेश लेखक सँग बयान लिने प्रक्रिया सम्पन्न भइसकेकाले अब तत्कालीन प्रधानमन्त्री ओलीलाई बयानका लागि पत्राचार गर्न लागिएको बताए।
नेपाल कम्युनिस्ट पार्टी ९एमाले० का अध्यक्षसमेत रहेका तत्कालीन प्रधानमन्त्री ओलीले आयोगको कानुनी हैसियत र निष्पक्षतामाथि प्रश्न उठाउँदै बयान दिन आयोगमा नजाने पक्षमा सार्वजनिक अभिव्यक्ति दिँदै आएका बेला आयोगले पत्राचार गर्ने निर्णय गरेको हो।
आयोगका अध्यक्ष कार्कीले थप गरिएको समयसीमाभित्रै छानबिन कार्य सम्पन्न गरी प्रतिवेदन बुझाउने तयारीका साथ आयोगले काम गरिरहेको जानकारी दिए।
गत असोज ५ गते मन्त्रिपरिषद् बैठकबाट गठन गरिएको तीन सदस्यीय उक्त आयोगको कार्यकाल आगामी माघ ५ गतेसम्मका लागि थप गरिएको छ।
