रामेछाप नेवा: सम्पर्क समूहमा निर्वाचनको तयारी

रामेछाप, माघ ६ — रामेछाप नेवा: सम्पर्क समूह, रामेछाप शाखाको ११ औँ अधिवेशन तथा ३२ औँ साधारण सभा नजिकिँदै गर्दा समूहले आज उम्मेदवारी दर्ता (नोमिनेशन) प्रक्रिया औपचारिक रूपमा सम्पन्न गरेको छ। उम्मेदवारी दर्ता सकिएसँगै यस वर्ष समूहमा निर्वाचन हुने सम्भावना बलियो बनेको छ।
समूहभित्र प्रमुख पदहरूमा प्रतिस्पर्धा देखिन थालेपछि सर्वसम्मतभन्दा निर्वाचन प्रक्रियामार्फत नेतृत्व चयन हुने संकेत देखिएको हो। समूहका सदस्य हिमाल श्रेष्ठका अनुसार उम्मेदवारी दर्ताले समूहभित्र लोकतान्त्रिक अभ्यासलाई थप सशक्त बनाएको छ।
यसैबीच, समूहका अध्यक्ष दिनेश कुमार श्रेष्ठले निर्वाचनको सम्भावना रहेको बताए। “उम्मेदवारी दर्तामा देखिएको उत्साह र प्रतिस्पर्धाले यस पटक निर्वाचन हुने संकेत दिएको छ,” अध्यक्ष श्रेष्ठले भने।
अध्यक्ष श्रेष्ठले रामेछाप नेवा: सम्पर्क समूहमा अध्यक्ष पदमा रहदा संगठनको समग्र नेतृत्व, नीति निर्माण तथा कार्यान्वयनको प्रमुख जिम्मेवारीका पुरा गरेका छन। संस्थाको आफ्नै भवान बनाउने देखि समूहको दीर्घकालीन योजना निर्माण, विभिन्न सामाजिक–सांस्कृतिक कार्यक्रमको नेतृत्व, तथा सदस्यहरूबीच समन्वय र एकता कायम गर्ने भूमिका निर्वाह गरेका छन। साथै स्थानीय तह, अन्य नेवा: संघ–संस्था तथा सरोकारवालासँग औपचारिक सम्बन्ध विस्तार समेत अध्यक्षले गरेका छन।