गजल – भन तिमी मेरो म तिम्रो हुन किन नमिल्ने

► भन तिमी मेरो म तिम्रो हुन किन नमिल्ने
यही छ यो मनको सवाल बिर्सिन नमिल्ने

► ईख गर्नेको अगाडि लिएँ हावाको उपमा
भएरपनि तिम्रै वरिपरि देखिन नमिल्ने

► कसरी दिउँ विधवालाई खुसीका रङ्गहरु
छ उनको जीवनको पाना रङ्गिन नमिल्ने

► अणु थिएँ टुक्र्यायौ,अब के गर्न चाहन्छौ
प्रिय म,त परमाणु भइसके टुक्रिन नमिल्ने

► घृणाको घनत्व बढि हुने ढुङ्गाको मन हो
खस्दा आँसुको भेलमा तैरिन नमिल्ने