काठमाडौं । टिकटकले डिसलाइक बटन ल्याउने भएको छ । प्रयोगकर्तालाई कमेन्टमाथि थप नियन्त्रण प्रदान गर्नसक्ने गरी ‘डिसलाइक’ बटन ल्याउने भएको हो ।
हाल परीक्षणको क्रममा रहेको यो फिचर कुनै पनि असान्दर्भिक तथा अस्वाभाविक कमेन्टहरूमा डिसलाइक गर्न सकिनेछ । यस किसिमको प्रयासबाट टिकटकमा ‘जेन्युन इङ्गेजमेन्ट’ तयार पार्ने उद्देश राखिएको छ ।
प्रयोगकर्ताहरू बीचमा दुर्भावना सिर्जना गर्ने तथा क्रियटरहरूको मनोबल गिर्ने अवस्था आउन नदिन डिसलाइक गर्ने व्यक्तिले मात्र आफूले गरेको डिसलाइक देख्न सक्नेछन् । यसका साथै टिकटकले कमेन्ट फिल्टरिङ र एकसाथ थुप्रैलाई डिलिट गर्न सक्ने विकल्पको बारेमा गाइइड गर्न क्रियटरलाई रिमाइन्डर समेत पठाइरहेको हुन्छ ।
टिकटकको सुरक्षाप्रतिको अग्रसरताको अङ्गको रुपमा धेरै सङ्ख्यामा नकारात्मक कमेन्ट प्राप्त गर्ने क्रियटरका लागि यसरी रिमाइन्डर पठाउने गरिन्छ । कम्पनीले परीक्षणको नतिजा सार्वजनिक गर्ने र त्यसै आधारमा डिसलाइक बटन सबै प्रयोगकर्ताका लागि खुला गर्ने वा नगर्ने भन्ने विषय तय हुनेछ ।
