नेवाः देय् दबू र मनमोहन मेमोरियल अस्पतालबीच स्वास्थ्य सेवा सम्बन्धी सम्झौता

श्रावण १५ गते नेवाः देय् दबू र मनमोहन मेमोरियल मेडिकल कलेज तथा शिक्षण अस्पतालबीच अस्पतालमा उपलब्ध हुने विभिन्न स्वास्थ्य सेवा सम्बन्धी सम्झौता पत्रमा हस्ताक्षर भएको छ । स्वयम्भू स्थित अस्पतालमा भएको सम्झौतामा नेवाः देय् दबूको तर्फबाट अध्यक्ष पवित्र बज्राचार्य, महासचिव सत्यनारायण डंगोल र राष्ट्रिष पार्षद डा।अञ्जना डंगोल तथा अस्पतालको तर्फबाट कार्यकारी निर्देशक डा।नस्तु प्रसाद शर्मा, प्रवन्ध निर्देशक डा।मुजः श्रेष्ठ र मेडिकल डाइरेक्टर निराजन सुवेदीले हस्ताक्षर गर्नुभएको थियो ।
उक्त सम्झौतामा अस्पतालको तर्फबाट नेवाः देय् दबूका पदाधिकारी, सदस्य, सदस्यका परिवार, कर्मचारी एवम् कर्मचारीका परिवारहरूलार्इ विभिन्न स्वास्थ्य सेवाहरू सर्वसुलभ र गुणस्तरीय रूपमा प्रदान गर्ने र सेवामा १० देखि २५ प्रतिशतसम्म छुट दिने मञ्जुरी प्रदान गरेको थियो । जसमा सामान्य शैया, ल्याव परिक्षण, एक्स(रे, र्इसिजि, जनरल क्याविन, आर्इसियु भेन्टिलेटर, अपरेशन, र्इको, मेमोग्राम, र्इन्डोस्कोपी, फिजियोथेरापी रहेको छ ।
त्यसै गरी ८० बर्षभन्दा माथिका जेष्ठ नागरिकलार्इ ५० प्रतिशत र ७० देखि ७९ बर्षसम्मका जेष्ठ नागरिकलार्इ २५ प्रतिशतसम्म छुट दिने मञ्जर गरेको छ । यसका अलावा अस्पतालले नेवाः देय् दबूको माग बमोजिम बर्षमा ४ पटक विशेषज्ञ सहितको निःशुल्क स्वास्थ्य शिविर सञ्चालन गर्ने र स्वास्थ्य सञ्चालन गरेको बेलामा नेवाः देय् दबूले रक्तदान कार्यक्रम समेत राख्ने बुँदामा समेत सहमत गरेको हे ।
यसबाट अब नेवाः देय् दबूका देशैभर रहेका विभिन्न समितिका पदाधिकारी तथा साधारण सदस्यहरूले समेत सो अस्पतालबाट प्रदान गर्ने गुणस्तरीय स्वास्थ्य सेवा विशेष छुटमा सर्वसुलभ तवरले प्राप्त गर्न सक्ने भएको छ ।