काठमाडौं । काठमाडौं केन्द्रित दोस्रो चरणको आन्दोलनमा होमिएको लघुवित्त तथा मिटरब्याज पीडितहरुले आफ्नो समस्या समाधान नभई घर नफर्कने चेतावनी दिएका छन्।
उनीहरुको काठमाडौंको रत्नपार्कमा विरोध प्रदर्शन गरेका हुन्। उनीहरुले माग सम्बोधनका लागि सरकारलाई दबाब दिन काठमाडौंमा दैनिक मौन जुलुस निकाल्ने कामलाई निरन्तरता दिएका छन्।
मिटरब्याज पीडित सङ्घर्ष समितिका प्रवक्ता निर्ग नविनले पीडितको समस्या समाधानका लागि सरकारसँग वार्ता पनि जारी रहेको र आन्दोलनको कार्यक्रमलाई पनि निरन्तरता दिइएको बताए।
प्रवक्ता नविनले भने, ‘सरकारसँग वार्ता चलिराखेको छ। सरकारसँगको हिजोको वार्ता सकारात्मक छ। आज गृहकार्यमा जुटेका छौं। दुवै वार्ता टोली गृहकार्यमा छ। आजै वार्ता गरेर परिणाम निकाल्न हामी लाग्ने भन्नेछ। अब सरकारी वार्ता टोलीले कतिको तयारी गरेको छ, पछि थाहा हुन्छ।’
मिटरब्याज पीडितहरुले गत माग १६ गतेबाट मिटरब्याज विरुद्धको न्याय मार्च झापाको काँकडभिट्टाबाट निकालेका थिए।
अझै आफूहरुको माग सम्बोधन गर्न सरकार गम्भीर नभएको भन्दै सङ्घर्ष समितिका प्रवक्ता नविनले आक्रोश व्यक्त गरे।
