सिन्धुलीको फिक्कलमा बाघको त्रास बढ्योः १ हप्तामा बाघले ६ वटा बाख्रा मार्यो

शर्मिला बिसुन्के ।
रामेछाप-सिन्धुलीको फिक्कल गाउँपालिकामा बाघको त्रास बढेको छ । बाघले गयराति फिक्कल २ लुम्तिमा गोबिन्द विश्वकर्माको गोठमा बाधेको २ बर्षको भैँसीको पाडी मारेको हो । यसअघि यहि फागुन २४ गते पनि फिक्कल २ धमिनिकाका केदार पहाडीको चराउन जंगल लगेको २ वटा बाख्रा पनि बाघले मारेको थियो । यस्तै फागुन २१ गते फिक्कल ३ का ढुण्डिराज पहाडीका ४ वटा बाख्रा मारेर १ घाइते पारेको थियो । गाँउमा बाघको त्रास बढेको स्थानीय सोम प्रसाद पोख्रेलले दोभानचौर खबरलाइ जानकारी दिनुभएको हो ।
यसैबिच बाघले मारेका वस्तु र बाख्राहरुको क्षतिपुर्ति दिने विषयमा हामीले फिक्कल २ का वडा अध्यक्ष शंकर बहादुर भण्डारीसँग कुराकानी गरेका छौँ । हामीसँगको कुराकानीमा उहाँले तत्काललाइ बन कार्यलयसँग सममन्वय गरिरहेको भन्दै किसानहरुलाइ क्षतिपुर्ति दिने प्रकियाबारे छपफल गरिने बताउनुभयो ।