पुर्व अध्यक्ष कार्कीको पेवा रामेछापको रेडक्रस

रामेछाप मन्थली बजारस्थित रेडक्रसको घरमा पुर्व  अध्यक्ष रामबहादुर कार्कीको सामान लामो समय देखि राखिएको छ। एउटा कोठा बन्द गरेर राखेको १० बर्ष नागिसकेको छ।  कार्कीले उक्त  कोठा हड्पदै आएका हुन।
कार्कीले रेडक्रसको अधिबेशन समयमा नगरेको र संस्थालाई चलायमान नगरेको भन्दै रेडक्रसको केन्द्रिय कार्यलयले २०७६ साल चैतमा समिती बिगठन गरि रामचन्द्र बियोगीलाई तदर्थ समिति समयोजको जिम्मेवार दिदैँ समयमै  अधिबेशन गर्न निर्देश दिएको थियो। उक्त अधिबेशन बाट शिव कुमार कार्की अध्यक्ष निर्वाचित भएका थिए भने जयप्रकाश श्रेष्ठ मन्त्री बनेका थिए। मन्थलीमा रहेको रेडक्रसको भवन रामबहादुर कार्किकै पालामा बनेको भन्दै उनले एउटा कोठा आजिबन पाउनुपर्ने भन्दै दाबी गर्दै आएका छन। एउटा संस्थाको प्रमुख बन्दा बनाएको भवनको  शिलान्यास नाम लेखिनु त ठिकै होला तर कोठा चाइन्छ भनेर दाबी गर्न कति उचित हुन्छ भनेर दोभानचौर खबरको टिमले सम्पर्क गर्न खोज्दा यो बिषयमा पुर्व अध्यक्ष बोल्न मानेनन्। पुर्व मन्त्री जयप्रकाश श्रेष्ठ भन्छन् धेरै पटक भनेको हो सामान लैजानुस र कोठा खाली गर्नुस्। सामान लगेको छैन। साचो लगाएको छ हामीले केही गर्न सकेनौं यो गलत काम हो। उहाँ जतिको मान्छेले यस्तो पबित्र संस्थाको भवनको एउटा कोठा ओगटेर बस्दा कस्तो सन्देश दिन्छ भन्दै दुख ब्यक्त गरेका छन।
संस्थामा ब्यक्तिको कोठा छ न घर सम्झौता छ न घर भाडा आउँछ यसरी पुर्व अध्यक्षलाई कोठा दिने बिधानमा उल्लेख छ कि आफै लिने हो भनेर मन्त्री दुर्गा बहादुर श्रेष्ठलाई हामीले प्रश्न गर्यौं श्रेष्ठ भन्छन्: हामी निर्वाचित भएपछि पटकपटक पत्र समेत गर्यौँ उहाले अटेर गर्नुभएको छ। हामी यो बिषयमा गम्भीर छौँ। संस्थामा रहदा  उपभोग गर्न पाउने फरक हो तर सदैव संस्थाको सम्पत्ति मेरो हो पाउनुपर्छ भन्नू कति उपयुक्त हो यो जबाफ समाजले दिन्छ भनेर समाजलाई प्रश्न गरे। हुनत रामेछापको रेडक्रस लामो समय देखि निकम्मा छ। बिधान अनुसार प्रत्येक बर्ष साधारणसभा गर्नुपर्ने हो। तर रामेछापको रेडक्रसमा न साधारणसभा हुन्छ न अधिबेशन। यस्तो पबित्र संस्था विधि बिधानमा चल्न नसक्दा नागरिकमा नकारात्मक भ्रम फैलिने रेडक्रसको एक सदस्यले चिन्ता ब्यक्त गरेका छन।