हेटौंडा। मानवसेवा आश्रम हेटौँडा उपमहानगरपालिका वडा नंम्बर ९ का टोलविकास संस्थाहरुमा मुठीदान संकलन जारी छ । मुठीदान संकलनमा स्थानीयवासीको उत्साहजन सहभागिता रहेको बताएको छ ।
गत वैशाख १५ गतेदेखि हेटौँडा उपमहानगरपालिकाका वडा नंम्बर ९ बाट बृहत शुभारम्भ गरिएको बृहत मुठीदान संकलन कार्यक्रममा स्थानीवासीको उत्साहजनक सहभागिता देखिएको छ । हेटौँडा उपमहानगरपालिकाका वडा नंम्बर ९ का २४ वटा टोल विकास संस्थासँग समन्वय गरी मुठीदान संकलन गरिएको थियो ।
२४ टोलविकास संस्थामध्ये हालसम्म ७ वटा टोल विकास संस्थामा मुठीदान संकलन कार्यक्रम सम्पन्न भएको छ । मुठीदान संकलनबाट नगद सहित खाद्यायन्न लगायत तरकारी संकलन भएको छ । ६ वटा टोलविकास संस्थाबाट जम्मा खाद्यायन्न सहित ९३ हजार २ सय ७५ रुपैयाँ नगद संकलन भएको छ । आगामी दिनमा हेटौँडा उपमहानगरपालिकाको सम्पुर्ण वडामा उक्त अभियान विस्तार गर्ने घरवार र परिवारविहिनहरुको आश्रय स्थल मानवसेवा आश्रमको लक्ष्य रहेको छ ।
हालसम्म कुनैपनि दातृ निकायको शर्तसहितको सहयोग स्विकार नगरी सहयोगापेक्षी सडकआश्रित मानवहरुको उद्धार, पालनपोषण र संरक्षणमा मानवसेवा आश्रम जुटेको मानवसेवा आश्रमका अभियान्ता होमनाथ पाैडेलले जानकारी दिए।
