शिक्षामा गुणस्तर ल्याउन मन्थली माबी र नाकन्या माबिका शिक्षक, शिक्षक सिकाइमा ब्यस्त

रामेछाप। सामुदायिक बिधालयको शैक्षिक अवस्था कमजोरी हुँदै गएको जनगुनासो आएपछि रामेछापको मन्थली नगरपालिका स्थित नागकन्या माध्यमिक बिधालय र मन्थली माबी दुबै बिधालयले संयुक्त शिक्षक सिकाइ अभ्यास सुरु गरेका छन। आज शनिबार पनि १-५ का शिक्षक बिहानै देखि सिकाइमा तल्लीन छन।
नागकन्या माध्यामिक विद्यालमा आयोजना गरिएको उक्त कार्यक्रमा नागकन्या र मन्थली माविका गरी कुल २२ जना शिक्षकहरुको सहभागिता रहेको नागकन्या माविकी प्र.अ. सुमित्रा खड्काले जानकारी दिए।
कक्षा १–३ को पाठ्यक्रमा भएका विषयवस्तुहरुको बारेमा सैद्धान्तिक र प्रयोगात्मक अभ्यास गराइएको छ । कार्यक्रममा शैक्षिक सामाग्री निर्माण, कक्षा कोठामा गर्नु पर्ने क्रियाकलाप हरुको प्रस्तुति लगाएतका विषय वस्तुमा जानकारी गराउदै कार्यक्रम अगाडि बढाइएको मन्थली माध्यामिक विद्यालयका सहायक प्र.अ.चन्द्रसिं धामीले बताए ।