हेटौंडा/ बालबालिकालाई अनलाइन बालयाैन शोषणबाट जोगाउन आग्रह गरिएको छ । आज हेटौंडामा बालहेल्पलाइन मकवानपुरले ओएसईसी रोकथाम, पहिचान, रिपोर्टिङको सामुदायिक योजनाहरुको प्रगति समीक्षा गर्दै यस्तो आग्रह गरिएको हो ।
बाल अनलाइन संरक्षण चुनाैति रहेको भन्दै सबैभन्दा पहिला बालबालिकालाई अभिभावकले निगरानीमा राख्नुपर्ने बताएको छ । फोटो पठाउन दवाव दिने, पीडितले पठाएको अश्लील फोटो तथा भिडियो सामाजिक सञ्जालमा शेयर गरिदिन्छु भनेर धम्क्याएर पैसा असुल्ने, पीडितले पठाएको अनिल फोटो तथा भिडियो सुषमा शेषर गरिदिने, पोर्न वेवसाइटमा अपलोड गरिदिने, पीडितको मेसेन्जरमा अश्चिल म्यासेज, फोटो पठाउने, धम्क्याउने, डरत्रास देखाउने गरेको पाइएको छ । यस्तै पीडितको सामाजिक संजालको पासवर्ड परिवर्तन गरेर या ह्याक गरेर जथाभावी कुरा वा अश्निल फोटो पोष्ट गरिदिने, पीडितको सामाजिक सञ्जालको फेक अकाउण्ट खोलेर जथाभावी कुरा पोष्ट गरिदिने, अफ लाइनमा गरेको यौन हिंसा तथा शोषणका घटनाको फोटो या भिडियो खिचेर अनलाइनमा ल्याउने धम्की दिने वा अपलोड गरिदिने, पीडितको अनुहारलाई नाङ्गो फोटोसँग जोडी अनलाइनमा ल्याउने धम्की दिने वा अपलोड गरिदिने गरेकाले बालबालिकालाई निगरानीमा राख्न आग्रह गरिएको छ । बाल हेल्पलाइनको अनुसन्धानबाट अभिभावकले आफ्ना बालबालिकाको निगरानी नगर्दा नै ९९ प्रतिशत अनलाइन बाल याैन शोषणमा बालबालिका फस्न पुगेको बाल हेल्पलाइन मकवानपुरका संयोजक झबिन्द्र ज्ञवालीले बताउनुभयो ।
यसैगरी बाल हेल्पलाइनका कार्यक्रम व्यवस्थापक माधव लोहनीले अनलाइन बालयाैन शोषणबारे सहजीकरण गर्नुहुँदै उक्त घटनाबाट जोगाउन स्थानीय तहको भूमिका जरुरी रहेको बताउनुभयो । अनलाइन बाल संरक्षण सम्बन्धि सचेतना बढाउने सामग्रीहरु तयारी पारी जनचेतना जगाउनुपर्ने, सम्बन्धित वडामार्फत् पालिकाभित्र रहेका विद्यालयहरुमा बाल संरक्षणको विषयमा अभिमुखीकरण, स्थानीय तहले अनलाइन अनलाइन बाल संरक्षणको विषयमा आफ्नो भूगोलभित्र अध्ययन र अनुसन्धान गर्नुपर्ने बताउनुभयो । उहाँकाअनुसार आर्थिक लाभ, बदलाको भावना, उत्सुकता, चुनाैती दिन र सामाजिक पहिचानको आकाक्षाले साइबर अपराधका घटना हुने गरेको छ ।
बालहेल्पलाइनका कार्यक्रम व्यवस्थापक, माधव लोहनी
कार्यक्रममा जनप्रतिनिधि, पत्रकार संघ संस्थाका प्रतिनिधि, शिक्षक लगायतको उपस्थिति थियोे । कार्यक्रममा सहभागीहरुले अनलाइन बाल संरक्षणलाई चुनाैतिपूर्ण रहेको भन्दै न्यूनीकरणका लागि सामुहिक रुपमा छलफल गरिएको छ ।
