सिन्धुलीको जनज्योति मा. बि. मा खुल्यो रेकर्डिङ स्टुडियो

गंगा बिसुन्के, सिन्धुली।
श्री जनज्योति माध्यामिक विद्यालय फोस्रेटार सिन्धुलीमा अहिले जनज्योति स्टुडियो स्थापना गरिएको छ। कमलामाई नगरपालिका–५ मा अबस्थित जनज्योति माध्यामिक विद्यालय फोस्रेटार सिन्धुलीमा स्टुडियो स्थापना गरिएको हो।
विद्यालयको विभिन्न गतिविधि तथा कार्यक्रमको अडियो ,भिडियो रेकर्ड गर्नका लागि जनज्योति स्टुडियोकोे स्थापना गरिएको प्रधानध्यापक योगेन्द्र प्रसाद अधिकारीले जानकारी दिएका छन। अधिकारीका अनुसार अबको केही महिनामा मात्रै स्टुडियो संचालनमा ल्याउने तयारी भएको समेत जनाए ।
अहिले सम्म जिल्लामा कुनै पनि विद्यालयमा स्टुडियो स्थापना गरिएको छैन,भने जिल्लामै पहिलो पटक जनज्योति स्टुडियो स्थापना गरिएको हो। ३ लाख बजेटबाट उक्त स्टुडियो १५ दिनमा तयार भएको थियो । विद्यार्थीले कार्यक्रम प्रस्तोता,समाचार लेखन ,अडियो भिडियो रेकर्ड लगायत सम्पुर्ण स्टुडियो भित्र हुने गतिविधिहरु गर्न सक्ने विद्यालयका प्रधानध्यापक योगेन्द्र प्रसाद अधिकारीले दोभानचौरलाई जानकारी दिएका हुन।
जनज्योति मिडिया क्लब गठन गरेर मात्रै स्टुडियो भित्रका हरेक गतिविधिहरु संचालनमा ल्याउने र उक्त स्टुडियोबाट व्यक्तिको विकास, कार्यक्रम उत्पादन, कक्षाको कुनै पनि विषयवस्तुको रेकर्ड समेत गर्न सकिने प्रधानध्यापक अधिकारीले बताउछन्। अधिकारका अनुसार विद्यालयमा ५ जनालाई वाइरिङ र प्लम्विङ ,हेयर कटिङ्ग लगायतका सीप समेत सिकाईएको छ । केही समय पछी पढाईलाई असर नपर्ने तरिकाले विद्यालयको एउटा कोठामा हेयर कटिङ्ग सैलुन खोल्ने र अरु ठाउँमा भन्दा सस्तोमा विद्यार्थीको कपाल काट्ने समेतको योजना रहेको बताए। स्टुडियोको उद्घाटन कमलामाई नगरपालिकाको प्रमुख उपेन्द्र कुमार पोख्रेललाई विद्यार्थीले इन्टरभ्यु लिएर मात्रै स्टुडियोको उद्घाटन गर्ने गरि बिधालयले तयारी गरिएको छ।