काठमाडौँ । सञ्चार तथा सूचना प्रविधिमन्त्री पृथ्वीसुब्बा गुरुङले सहकारीको विषयमा आफ्नो पार्टीका मानिसलाई बचाउने र रास्वपालाई मात्र अनुसन्धान गरियो भन्ने गलत प्रचार भएको बताएका छन् ।
बुधबार काठमाडौँमा तमू(गुरुङ) सञ्चारकर्मी सङ्घ नेपालले आयोजना गरेको कार्यक्रममा मन्त्री गुरुङले सहकारी ठगीमा जोसुकै संलग्न भएपनि कारबाही हुने बताएका हुन् ।
उनले अहिले सहकारी व्यवस्थापनको समस्या एकदमै धेरै देखिएकाले एकैपटक सबैलाई कारबाही गर्न समस्या रहेको बताए ।
उनले भने, ‘एकथरी राजनीतिक दलहरुलाई के भ्रम छ भने हाम्रोलाई मात्र गरयो, आफ्नोलाई गरेन भन्नेछ । समितिको प्रतिवेदनमा उल्लेख भएको सहकारीका कुनै पनि व्यक्ति कोही पनि छुट्दैन । त्यो सत्तामा रहेको कांग्रेसको होस् कि एमालेको होस् कि माओवादीको होस् । खाली रास्वपालाई मात्र गर्यो भन्ने गतल प्रचार भयो । हाम्रो अनुसन्धान र न्याय दिने कुरालाई ओझेलमा पार्न खोजेको हो ।’
उनले मूलुकको सुरक्षा, आर्थिक विकास र राजनीतिक प्रतिवद्धताको लागि गर्नुपर्ने धेरै काम अझै बाँकी रहेको बताए ।
