रामेछाप कृषि पर्यटन मेला माघ १६ देखि २६ सम्म

रामेछाप। उधोग बाणिज्यसंघ रामेछापले माघ १६ गते देखि २६ गते सम्म रामेछाप कृषि पर्यटन मेला गर्ने भएको छ। जिल्लालाई पर्यटन सँग जोड्ने र कृषको बजारीकरण गर्ने उदेश्यले मेला गर्न लागेको उधोग बाणिज्य संघ रामेछाले जनाएको छ।
माघ १२ गते शनिबार पत्रकार सम्मेलन गरि मेलाको तयारी गएको उधोग बाणिज्य संघ रामेछापका वरिष्ठ उपाध्यक्ष प्रकाश श्रेष्ठले जानकारी दिएका छन।
मेला प्रदर्शनीले जिल्लाको पर्यटकीय गतिविधिलाई वृद्धि गरी जिल्लाको आर्थिक उन्नतिमा पनि टेवा पुग्ने आयोजकले विश्वास लिएको उहाँले बताउनुभयो । उहाँले भन्नुभयो “रामेछापमा धेरै कृषि, घरेलु तथा साना उद्योगका उत्पादनहरू छन् । यहाँ धेरै पर्यटकीय क्षेत्रहरू पनि छन् । यी सबैको प्रवद्र्धन गर्न अत्यावश्यक छ । यही कुरालाई ध्यानमा राखेर हामीले कृषि, पर्यटन, औद्योगिक मेला प्रदर्शनीको आयोजना गरिएको हो ।”
११ दिनसम्म चल्ने मेला प्रदर्शनीबाट २५ लाख रुपैयाँ आम्दानी हुने र सोही अनुसारको खर्च हुने आयोजकको अनुमान रहेको पनि उहाँले बताउनुभयो । मेला प्रदर्शनी सुरु भएको दिन माघ १६ गतेदेखि १९ गतेसम्म निःशुल्क अवलोकन गर्न सकिने र माघ १९ गतेदेखि २६ गतेसम्म भने दिउँसो ४ बजेपछि हुने सांस्कृतिक कार्यक्रममा भने टिकटको व्यवस्था गरिएको बाणिज्य संघका कार्यकारी प्रमुख नवीन घिमिरेले बताए।