काठमाडौँ, २७ असार
नेपाल राष्ट्र बैंकले आर्थिक वर्ष २०८२र८३ का लागि मौद्रिक नीति सार्वजनिक गरेको छ। राष्ट्र बैंकका गभर्नर डा. विश्वनाथ पौडेलले नीति सार्वजनिक गर्दै आर्थिक स्थायित्व कायम राख्न सजगतापूर्वक लचिलो नीति अवलम्बन गरिएको जानकारी दिनुभयो।
मौद्रिक नीतिमा दोस्रो वित्तीय क्षेत्र रणनीति स्वीकृत गरी कार्यान्वयनमा ल्याइने उल्लेख गरिएको छ। साथै, ब्याजदर करिडोरको माथिल्लो सीमा रूपमा रहेको बैंकदरलाई घटाएर ६ प्रतिशत र नीतिगत दर साढे ४ प्रतिशत कायम गरिएको छ। अघिल्लो वर्ष यी दरहरू क्रमशः ६।५ र ५ प्रतिशत थिए।
आवास कर्जाको सीमा पनि संशोधन गर्दै निजी आवासीय घर निर्माण वा खरिदका लागि दिइने कर्जा रू २ करोडबाट बढाएर रू ३ करोड पुर्याइएको छ। पहिलो घरको हकमा कर्जा–मूल्य अनुपात ८० प्रतिशतसम्म र अन्य घरका लागि ७० प्रतिशतसम्म कायम गर्न सकिने व्यवस्था गरिएको छ।
यक्तिगततर्फको शेयर धितो कर्जाको सीमा रू १५ करोडबाट बढाएर रू २५ करोड बनाइएको छ। यस्तै, विदेश भ्रमणका लागि बोक्न सकिने अमेरिकी डलरको सीमा पनि २,५०० बाट बढाएर ३,००० अमेरिकी डलर पुर्याइएको छ।
मौद्रिक नीतिमा आगामी वर्ष निजी क्षेत्रतर्फ प्रवाहित कर्जा १२ प्रतिशत वृद्धि गर्ने लक्ष्य लिइएको छ।
