मकवानपुर, बागमती प्रदेशका मुख्यमन्त्री इन्द्रबहादुर बानियाँले साउन २७ गते प्रदेशसभाबाट विश्वासको मत लिने भएका छन्। एमाले–कांग्रेस गठबन्धनको नेतृत्व गर्दै साउन २० मा नियुक्त भएका बानियाँले संविधानको व्यवस्था अनुसार ३० दिनभित्र विश्वासको मत लिनुपर्ने भएकाले उक्त मितिमा संसद् बैठक बोलाउन प्रदेशसभा सचिवालयलाई जानकारी गराएका हुन्।
बानियाँ कांग्रेसका ३७ र एमालेका २७ गरी ६४ सांसदको समर्थनमा मुख्यमन्त्री बनेका हुन्। उनले हालसम्म एक विना विभागीय मन्त्रीसहित कांग्रेसका २ र एमालेका ६ मन्त्रीलाई सरकारमा समावेश गराइसकेका छन्। बाँकी मन्त्रालयको जिम्मा अझै बानियाँकै जिम्मामा छ।
