काठमाडौँ: ‘जेन–जी’ आन्दोलनका कारण उत्पन्न अस्थिर परिस्थितिका बीच प्रतिनिधिसभाको बैठक अनिश्चितकालका लागि स्थगित गरिएको छ।
मंगलबार नयाँ बानेश्वरस्थित संघीय संसद् भवन आन्दोलनकारीद्वारा ध्वस्त बनाएपछि आज दिउँसो १ बजे बोलाइएको बैठक बस्न नसकेको हो।
संसद् सचिवालयका महासचिव पद्मप्रसाद पाण्डेले जारी गरेको सूचनामा सभामुख देवराज घिमिरेले अर्को सूचना जारी नहुञ्जेलसम्म बैठक स्थगित गरिएको जनाइएको छ।
प्रधानमन्त्रीको राजीनामा, राष्ट्रपति तथा सेनाद्वारा वार्ताका लागि आह्वान, र आन्दोलनकारीद्वारा संसद् विघटनको मागसहित पुराना दलका नेताहरूलाई लक्षित आक्रमण भइरहेका कारण राजनीतिक वातावरण थप जटिल बन्दै गएको छ।
यसले संसद्को कार्यसूची अनिश्चित बनेको जनाइएको छ।
