बृहत् रामेछाप महोत्सवः आज चौथो दिन यी चर्तित कलाकार आउँदै

शर्मिला बिसुन्के,रामेछाप
वृहत् रामेछाप महोत्सव २०८० को आज चौथो दिन बहुचर्चित, चर्चित कलाकार आउने भएका छन् । रामेछापको दिगो विकास र अर्थतन्त्रको आधार, कृषि, पर्यटन तथा उद्योगको पूर्वाधार” भन्ने मूल नाराका सहित ११ दिन सम्म सञ्चालन हुने वृहत् रामेछाप महोत्सवको आज चौथो दिन बहुचर्चित गायक प्रमोद खरेल, चर्चित गायक भोज राज काफले,लोकेन लामा, चर्चित गायिका सिता थापा र मोडल प्रवेश घतानी लगायतका कलाकारहरू आउने आयोजकले जानकारी दिएको छ । आगामी माघ ७ गते ११ दिन सम्म चल्ने महोत्सवमा राष्ट्रिय स्तरमा ख्याति प्राप्त दैनिक ५–६ जना कलाकारहरू ल्याउने आयोजकले जनाएको छ । १५० बढी स्टलमा जिल्ला भित्र उत्पादित कृषि, घरेलु, हस्तकलाका सामाग्रीहरू, होटेल, पसल राखिएको आयोजक रामेछाप उद्योग वाणिज्य संघका महासचिव कुमार श्रेष्ठले जानकारी दिनुभयो । ६८ लाख ५० हजार रुपैयाँ खर्च लाग्ने अनुमान गरिएको वृहत् महोत्सवमा ५० हजार भन्दा बढीले अवलोकन गर्ने अपेक्षा गरिएको छ ।