शर्मिला बिसुंन्के,रामेछाप।
मन्थली सहिद स्मृति बहुमुखी क्याम्पसको आयोजनामा भएको वार्षिक खेलकुद सप्ताह आज समापन भएको छ । “स्वास्थका लागि खेलकुद राष्ट्रका लागि खेलकुद ” भन्ने नारासहित यहि चैत्र १२ गते बाट सुरु भएको वार्षिक खेलकुद प्रतियोगिता-२०८० १५ सय क्रस कन्ट्री दौड बाट सुरु भएको हो । खेलकुद उत्घाटन मन्थली क्याम्पस सन्चालन समितिको अध्यक्ष उज्वल सुवेदीले गर्नु भएको थियो । क्याम्पस मा खेलकुद सप्ताहमा छात्रा तर्फ १५ सय क्रस कन्ट्री दौउड,भलिबल,सटपट,ज्यापलिङ थ्रो,ब्याडमिन्टन(एकल) विधा रहेका थिए । यस्तै छात्र तर्फ १५ सय क्रस कन्ट्री दौउड,फुटबल,टेबलटेनिस (एकल)टेबलटेनिस (जोडि),ब्याडमिन्टन (एकल) विधा रहेका थिए । खेलकुद सप्ताह समापनमा सभाध्यक्ष भगवति साहि ठकुरी रहनु भएको थियो । भलिबल, फुटबल प्रतियोगिताको विजेता र उपविजेता खेलाडीलाई सिल मेडल र प्रमाणपत्र वितरण गरिको छ । यस्तै एथलेटिक्स तर्फ का बिजेता खेलाडीहरूलाई प्रमाणपत्र मेडल वितरण गरिको छ ।
