एक बर्ष भित्र पुष्पलाल पार्क निर्माण सक्छौं : अध्यक्ष कडेरिया

रामेछापमस्थित पुष्पलाल पार्क एक बर्ष भित्र निर्माण सक्ने नेकपा एमाले रामेछाप जिल्ला अध्यक्ष पुरुषोत्तम कडेरियाले प्रतिबद्धता गरेका छन । नेकपा एमाले रामेछाप–काठमाडौं सम्पर्क मञ्चले आयोजना गरेको पत्रकार सम्मेलनमा अध्यक्ष कडेरियाले प्रतिबद्धता गरेका हुन । अहिलेको अवस्था नाजुक छ । सिंस्नो उम्रेको छ । कम्पाउड छैन । नेकपा एमाले पाटी, सम्पर्क मञ्च, स्थानीय सरकार र आमा नागरिक मिलेर एक बर्षमा सम्पन्न हुने बिश्वास दिलाएका हुन । पुष्पलाल रामेछापका साझा सम्पत्ति हो । त्यसैले यो पार्क बनाउन सबै तहका कार्यलय, संघ संस्था र नागरिकलाई लाग्नको लागि अध्यक्ष कडेरियाले अनुरोध समेत गरेका छन ।
एमाले रामेछाप–काठमाडौं सम्पर्क मञ्चले सप्ताहव्यापी कार्यक्रम गरेर ४५ औं पुष्पलाल स्मृति दिवस मनाएको थियो । उक्त कार्यक्रम आज साउन ९ गते पत्रकार सम्मेलन गरेर कार्यक्रम समापन गरेको सम्पर्क मञ्चका अध्यक्ष प्रमोद भण्डारीले उल्लेख गरेका थिए । सात दिने कार्यक्रमको बारेमा प्रेस विज्ञप्ती बनाइ अध्यक्ष भण्डारीले सार्वजनिक गरेका थिए ।
कार्यक्रम च्यासल स्थित भु. पु सैनिक भवनमा नेकपा एमालेका नेता तथा पुर्व मन्त्री लालबाबु पण्डितको प्रमुख आतिथ्यता तथा प्रदेश कमिटी सदस्य शान्ती पौडेल जिल्ला कमिटी अध्यक्ष पुरुषोत्तम कडेरिया सम्पर्क मञ्चका पुर्व अध्यक्ष बद्री भण्डारी, राकेश श्रेष्ठ लगाएत नेकपा एमालेका नेताकार्यकर्ता सहितको उपस्थितिमा पत्रकार सम्मेलन भएको थियो ।