काठमाडौं: पशुपति आर्यघाटमा जलिरहेको शवबाट हड्डी निकालेर बिक्री गरेको आरोपमा दुई जना पक्राउ परेका छन्। पक्राउ पर्नेमा शव जलाउने कार्यमा संलग्न व्यक्ति र दाउरा आपूर्ति गर्ने अर्को व्यक्ति रहेका छन्।
यो घटना साउन २३ गते ९गत शुक्रबार० भएको हो। पक्राउ परेकालाई हाल गौशाला प्रहरी वृत्तमा राखी अनुसन्धान भइरहेको प्रहरीले जनाएको छ। उनीहरूविरुद्ध अभद्र व्यवहारको मुद्दामा कारबाही प्रक्रिया अघि बढाइएको छ।
प्रहरीका अनुसार, जलिरहेको शवबाट एउटा हड्डीको टुक्रा निकालेर बिक्री गर्ने कार्य गरिएको आशंका छ। प्रारम्भिक अनुसन्धानमा, शवको मासु र हड्डी मसान जगाउने अघोरी बाबालाई बेच्ने उद्देश्यले निकालिएको हुन सक्ने निष्कर्ष निकालिएको छ।
मानवको नलीखुट्टाको हड्डी प्रयोग गरी मसान जगाउने अघोरी बाबासँग शव दहनमा संलग्न व्यक्तिहरूको मिलेमतो रहेको प्रहरीको प्रारम्भिक अनुमान छ।
