काठमाडौं: राष्ट्रिय परीक्षा बोर्ड, परीक्षा नियन्त्रण कार्यालय सानोठिमीले शैक्षिक सत्र २०८२ को माध्यमिक शिक्षा परीक्षा (एसइई) को नतिजा सार्वजनिक गर्ने तयारीसँगै नतिजा प्राप्त गर्ने विभिन्न माध्यमहरूको सूची सार्वजनिक गरेको छ।
परीक्षा बोर्डले एसइई २०८२ को नतिजा एसएमएस, आईभीआर तथा वेबसाइटमार्फत सार्वजनिक गरिने जनाएको हो।
कार्यालयले जारी गरेको सूचनाअनुसार नियमित तथा ग्रेडवृद्धितर्फको एसइई परीक्षाको नतिजा विभिन्न सेवा प्रदायक संस्थामार्फत मोबाइल एसएमएस, यूएसएसडी, आईभीआर सेवा तथा डिजिटल प्लेटफर्मबाट हेर्न सकिने व्यवस्था गरिएको हो ।
नतिजा हेर्नका लागि नेपाल टेलिकमको १६००, जानकी टेक्नोलोजी प्रालिको ३५००१ तथा एम्बिसन गुरु प्रालिको ३१०६१ नम्बरमार्फत एसएमएस, यूएसएसडी र आईभीआर सेवा उपलब्ध गराइने बोर्डले जनाएको छ।
यसका साथै विभिन्न प्राविधिक साझेदारमार्फत वेबसाइट तथा मोबाइल एप प्रयोग गरेर पनि नतिजा हेर्न सकिने व्यवस्था गरिएको छ।
बोर्डका अनुसार नतिजा सार्वजनिक भएपछि विद्यार्थीले आधिकारिक वेबसाइट, मोबाइल एप, एसएमएस तथा आईभीआर सेवा प्रयोग गरी सहज रूपमा आफ्नो नतिजा प्राप्त गर्न सक्नेछन्।
