रामेछाप । दुधमा आवश्यक गुणस्तरको मात्रा नपुगेको पाइएपछि रामेछापको मन्थलीमा संचालनमा रहेका सबै तीन वटा डेरी कारवाहिमा परेका छन् ।
जिल्ला प्रशासन कार्यालय रामेछाप मन्यनीमा रहेका अमृत देरी, रामेछाप डेरी र चरन्जिवी डेरीबाट उपभोक्तालाई विक्रीका लागि तयार पारिएको दूध आकस्मिक रुपमा परिक्षण गराएको थियो । परिक्षणमा दूधमा न्यूनतम हुनु पर्ने फ्याट र सिएन एफ नभेटिएपछि तीन स्टै देरीलाई कारवाहि गरीएको हो।
निमित्त प्रमुख जिल्ला अधिकारी अनोजकुमार घिमिरेका अनुसार उपभोक्ताको गुनासोको आधारमा पहिलो पटक मन्थलीका डेरी बाट विक्रीका लागि तयार भएको दूध परिक्षण गरीएको हो । परिक्षणमा न्यून गुणस्तरको दूध फैला परेकाले पहिलो पटक प्रत्येक डेरीलाई १५ हजारका दरले जरिवाना गरीएको हो । यस पछि पनि गुणस्तरको बारेमा गुनासो आएमा कडा कारवाहि गर्ने चेतावनि पनि प्रशासनले दिएको घिमिरेले बताए ।
रामेछापमा रहेका डेरीले केहि दिन अघी उपभोक्ताको हित प्रतिकुल हुने गरी दूध दहि, ध्यू को मूल्य वृद्धि गरेका थिए । उक्त मूल्य प्रति उपभोक्ताको गुनासो स्थानीय प्रशासनमा पुगेपछि सर्व पक्षिय भेला वसेर मूल्यमा पुनारावलोकन गरिएको थियो । डेरीले गाईको दूध प्रति लिटर १ सय र भैंसीको दूध प्रति लिटर १ सय २० रुपैया निर्धारण गरेका थिए ।
निमित्त प्रजिअको संयोजकत्वमा बसेको बैठकले गाईको दुधको मुल्यमा ५ रुपैया घटाउने निर्णय गरेको थियो । तर उपभोक्ताले भने उक्त मूल्य पनि अधिक रहेको गुनासो गर्दै आएका छन् । यस अघी गाईको दूध प्रति लिटर ८० रुपैया थियो । डेरीले किसानबाट प्रति लिटर ७४ रुपैयामा गाईको दूध खरिद गर्ने गरेका छन् ।
