सिन्धुली । सिन्धुलीमा आयुर्वेद सेवाको प्रवर्धन गर्न स्थानीय पत्रकारहरुसङ्ग अन्तरकिया कार्यक्रम सम्पन्न भएको छ। जिल्ला आयुर्वेद स्वास्थ्य केन्द्र सिन्धुलीको आयोजनामा अन्तरकिया कार्यक्रम भएको थियो ।
कार्यक्रममा जिल्ला आयुर्वेद स्वास्थ्य केन्द्र सिन्धुलीका प्रमुख अर्जुन उपाध्यायले आयुर्वेद स्वास्थ्य केन्द्रबाट संचालित सेवाहरु, सेवा विस्तारको स्थिति, सञ्चालन गरिएको कार्यक्रम, सेवा विस्तारका समस्या तथा समाधान उपायहरु लगायतका विवरण प्रस्तुत गरेका थिए।
।।
त्यस्तै, प्रमुख जिल्ला अधिकारी सुनिता नेपालले कार्यक्रममा बोलाउँदा आफुलाइ खुशी लागेको बताईन् । आयुर्वेर्दिक औषधिको चेतना र फाइदाको बारेमा समुदायसम्म पुर्याउन सरोकारवाला निकायले समेत सूचना प्रवाह गर्दै आएको बताउँदै उनले जिल्लाका कुना कुनामा रहेका आमा बुबा,दाजु भाइ तथा दिदीबहिनी सामु आयुर्वेद सेवाको बारेमा प्रष्ट पार्न आफुले सकेको सहयोग गर्न पत्रकारहरुलाई आग्रह गरिन् ।
कार्यक्रममा जिल्ला पत्रकार महासंघ सिन्धुलीका अध्यक्ष किष्ण हरि घिमिरे, पत्रकारहरु, आयुर्वेद स्वास्थ्य केन्द्रका कर्मचारी लगायतको उपस्थिती रहेको थियो । आयुर्वेद स्वास्थ्य केन्द्रले दैनिक रुपमा ओपिडी सेवा, निःशुल्क औषधि वितरण, पञ्चकर्म, अक्यूपञ्चर, फिजियोथेरापी, मुख्यमन्त्री जनता स्वास्थ्य कार्यक्रम र निःशुल्क आयुर्वेद स्वास्थ्य शिविर लगायत संचालन गर्दै आएको छ ।
