शर्मिला बिसुन्के, रामेछाप।
बागलुङको निसीखोला गाउँपालिका-६ को जाउलेपानीमा यात्रुबस पल्टिँदा ८ जनाको मृत्यु भएको छ । २५ जना घाइते भएका छन् । बसमा चालक सहित ३३ जना सवार रहेको खुलेको छ । मृतकको पहिचान खुल्न बाँकी रहेको छ । रुकुम पश्चिमबाट आज बिहान साँढे ११ बजे काठमाडौं हिडेको बस साँझ ५ बजेर २० मिनेटमा उक्त जाउलेपानीमा दुर्घटनामा परेको हो । बस सडकबाट १५० मिटर तल खसेको उद्दारमा खटिएको प्रहरी टोलीले जानकारी दिएको हो । बस भिर र खोंचमा खसेकोले उद्दारमा समेत कठिनाइ भएको थियो । घटनाबारे थप अनुसन्धान भइरहेको जिल्ला प्रहरी कार्यालय बागलुङले जनाएको छ ।
