मन्थली नाकन्या माबिले एक बर्ष देखि लेखा कर्मचारी भर्ना गर्न सकेन

रामेछाप मन्थली नगरपालिका १ स्थित नाकन्या माबिले लेखा कर्मचारीको एक बर्ष अगाडी देखि  बिज्ञापन गरेर परिक्षा लिन सकेको छैन ।
   अघिल्लो साल ८०/भदौ १९ मा बिज्ञापन खुलाए पनि अहिलेसम्म परिक्षा भने लिन सकेको छैन । ११ जनाले फारम भरेका छन । परिक्षार्थी परिक्षा दिन कुरेर बसेका छन । कुरेको बर्ष हुनै लाग्यो यता परिक्षा हुने छाट्काट छैन । हामीले नगरपालिकालाई परिक्षाको गराइदिनु भनेका छौ परिक्षा नगरले गराउदैन हामिलाई लेखा नभएर गाह्रो भएको छ बिधालयका प्रअ सुमित्रा खड्काले गुनासो गरिन। हामीलाई समस्या छ लेखा भएको भए सहजीकरण हुने थियो हाम्रो कुरा नगरले सुन्दैन प्रअ खड्का बताउछिन् । हामीलाई कुनै जानकारी छैन यो दिन परिक्षा गराइदिनु भनेर निर्णय गरेर ल्याएपछि नगरपालिकाले परिक्षा गराउछ  नगरपालिकाका सूचना अधिकारी हेमन्त बुढाथोकी भन्छन ।
            दुबै तर्फ कुरा बाझिएको छ । नगरपालिका र स्कुलको इगोको लडाइले ११ जना फाराम भरेका परिक्षार्थी अन्योलमा छन। फारम भर्नेमा  मन्थली १२ कि अनिता मिजार, मन्थली १ की सुजाता ढकाल, मन्थली ८ को सुशील कुमार श्रेष्ठ,  मन्थली ८ को निराजन श्रेष्ठ, मन्थली १ को संङिता माझी, लिखु तामाकोसी ६ कि  सुस्मा श्रेष्ठ, मन्थली १ की सुनिता माझी,  मन्थली १ की मिरा  श्रेष्ठ ,मन्थली १ की कल्पना श्रेष्ठ, मन्थली १ की  इस्वरी श्रेष्ठ र मन्थली १ को रन्जन सुवेदी रहेको प्रअ खड्काले उल्लेख गरेकी हुन।