हेटौंडा । मकवानपुर जिल्ला प्रतिनिधि सभामा क्षेत्र नम्बर १ निर्वाचित संसाद एवम् पूर्वाधार विकास समितिका सभापति दीपक बहादुर सिंहले १० लाख रुपैयाँ नगद सहयोग गर्नुभएको छ । मंगलबार हेटौँडा-१० मा रहेको हेटौँडा सामुदायिक आँखा अस्पताललाई आफ्नो एक वर्षको पारिश्रमिकमा रकम थप गर्दै ९ लाख ९९ हजार ९ सय ९९ रुपैयाँ पुर्याएर नगद सहयोग गर्नुभएको हो ।
डाक्टर सन्दुक रुइतलाई उक्त रकम हस्तान्तरण गर्नुहुँदै सिंहले आफूले गर्नुपर्ने दायित्वमा पुरा गर्न कुनै पनि कसर नराख्ने जानकारी दिनुभयो । यसैगरी २०६४ सालमा डाक्टर रुइतलाई भेट्दा नै उहाँको योगदानप्रति सम्मान रहेको छ । देशमा मात्र नभई संसारभर दृष्टिविहीन व्यक्तिहरप्रति गरिएको योगदानलाई कदर गर्दै आफूले पनि सहयोग गरिएको बताउनुभयो ।
उहाँले लेन्सको अविस्कार समेत गरिएको र जसमा २ सय ५० रुपैयाँ मुल्यमा सबैले लेन्स हाल्न पाएको भन्दै गर्व समेत गर्नुभयो । हेटौंडामा एक कार्यक्रम आयोजना गर्दै उहाँले नगद हस्तान्तरण गर्नुभएको हो ।
