मन्थलीको सेफ हाउसमा घरको भन्दा बढी सुबिधा छ: पीडित महिला

रामेछापको मन्थली नगरपालिकास्थित रहेको सेफ हाउसमा घर भन्दा बढी सुबिधा रहेको सेफ हाउसमा बस्ने एक महिलाले बताएकी हुन। महिला २ महिना देखि सेफ हाउसमा बस्दै आएकी छिन ।
मन्थली नगरपालिकाकाका योजना शाखा प्रमुख उज्वल पोखरेल र दोभानचौर खबरको टिमले बिहिवार सेफ हाउस रिपोर्टिङ गर्न पुगेको थियो । सेफ हाउसमा २ महिला केही महिना देखि बस्दै आएका रहेछन् जसमा एक महिला मानसिक रोगी हुन भने अर्को महिला सुत्केरी छिन । सुत्केरीका अनुसार हामीले घरभन्दा बढी सुबिधा पाएका छौ। खानपिन देखि बस्ने कोठा समेत राम्रो छ उल्लेख गरिन। म अप्ठ्यारो परेको बेला नगरले ठूलो सहयोग गरेको छ।
सेफ हाउसमा बस्ने कोठा किचेन देखि बच्चालाई सेक्ने ताउ समेत उपलब्ध थियो । भेटघाट हल देखि परामर्श कोठा छुट्याए पनि परामर्श कोठामा भने कुर्सी र टेवल हुनुपर्नेमा ओछ्यान सहितको खाट राखिएको थियो। शाखा प्रमुख पोखरेल भन्छन हामी टेबल र कुर्सी चाडै राख्छौं । सेफ हाउसमा कुनै कमि हुन दिएका छैनौं, कोहि नहुनेको सरकार हरेको मन्थली नगरपालिका प्रमुख लब श्रेष्ठले जनाएका छन। दोभानचौर सँग कुरा गर्दै हामी कुनै नागरिकलाई अप्ठ्यारोमा पर्न दिदैनौ, त्यस्ता समाज बाट अपहेलित भएका बालबालिका र महिलाको लागि सरकार सदैब सँगै रहने प्रतिबद्धता समेत नगर प्रमुख श्रेष्ठले गरेका छन ।