बिद्यार्थी र अभिभावकसँग मन्थली माबिको टिम आज गाइखुरा

रामेछापको मन्थलीस्थित सदरमुकाममा रहेको मन्थली माध्यमिक बिधालयका शिक्षक तथा ब्यवस्थापन समितिलाई दशै तिहारको बिदाले छोहेको छैन। बिद्यार्थी र अभिभावकसँग छलफल तथा अन्तरक्रिया चलिरहेको छ। गाउँ गाउँमा पुगेर बिद्यार्थीको पढाइ र समाजमा गरिने गतिविधिमा आज तेस्रो दिन गाइखुरामा छलफल भएको छ।
बिधालयका शिक्षक, ब्यवस्थापन समितिका अध्यक्ष, अभिभावकसँगका अध्यक्षको उपस्थिमा गाइखुरा, जखिनिटार, ओडारे लगाएतका ठाउहरुका बिद्यार्थी र अभिभावकलाई उपस्थिति गराइ बिद्यार्थीको सिकाइ अभिभावकको गुनासो लिएको शिक्षक बिष्णु थापाले बताए । बिद्यार्थीहरुको होमर्क देखि घरमा गरिने कामका बारेमा हामिले टोलटोलमा पुगेर बिद्यार्थी सँग भलाकुसारी गरेको मन्थली माबिका प्र.अ डाक्टर टंक दाहालले जनाएका छन। दाहालका अनुसार यो कार्यक्रमले बिद्यार्थी, अभिभावक र शिक्षकको त्रिकोणीय सम्बन्ध बन्छ जसले गर्दा बिद्यार्थीलाई सिकाइमा मद्दत पुग्दछ। हामिले कुनौरी, सोलमारी, टेकानपुर, करम्बोट हुँदै आज गाइखुरा आएका छौँ। बिचमा समय मिल्यो भने हामी फेरि आउने छौँ।
कमजोर बिद्यार्थीको घरमा पुगेर बिद्यार्थीको पारिवारिक अवस्था बुझ्ने ब्यवस्थापन समितिका अध्यक्ष श्याम सुबेदिले उल्लेख गरेका छन। बिद्यार्थी किन सिकाइमा कमजोर हुन्छन उसको पारिवारिक अवस्थाको कारण वा अरु कुनै कारण हामी पत्ता लगाउन लागि परेको अध्यक्ष सुबेदिले बताएका छन।