काठमाडौं : नेपाल शिक्षक महासंघले आज नेपाली कांग्रेसको केन्द्रीय कार्यालय, सानेपामा धर्ना दिँदै आफ्नो मागको ध्यानाकर्षण गराएको छ।
पहिलो चरणको आन्दोलन अन्तर्गत बिहान ११ बजेदेखि दिउँसो १ बजेसम्म दुई घण्टासम्म सञ्चालन भएको धर्नामा महासंघका प्रतिनिधिहरूले सम्बन्धित ध्यानाकर्षण पत्र बुझाएका थिए।
महासंघले भाद्र १२ गते नेकपा एमालेको केन्द्रीय कार्यालय, च्यासल र भाद्र १३ गते नेकपा माओवादी केन्द्रको केन्द्रीय कार्यालय, पेरिस डाँडामा पनि धर्ना आयोजना गर्ने जानकारी दिएको छ।
