काठमाडौँ: शिक्षा, विज्ञान तथा प्रविधि मन्त्रालयले देशभरका सामुदायिक विद्यालय र सिकाइ केन्द्रहरूको नाममा रहेका जग्गा तथा तिनको भोगचलन सम्बन्धी विवरण माग गरेको छ।
मन्त्रालयले शिक्षा तथा मानव स्रोत विकास केन्द्रमार्फत विद्यालय र सिकाइ केन्द्रका नाममा रहेका जग्गा, तिनको प्रयोग अवस्था र जग्गासम्बन्धी समस्या के कस्ता छन् भन्ने विवरण संकलन गर्न निर्देशन दिएको हो।
शिक्षा, विज्ञान तथा प्रविधिमन्त्री महावीर पुनका अनुसार जिल्लाबाट विद्यालय र सिकाइ केन्द्रका जग्गा हिनामिना भएको जानकारी प्राप्त भएपछि मन्त्रालयले तथ्यांक संकलन गर्ने निर्णय गरेको हो।
हाल देशभर ३५ हजार ४४७ विद्यालय रहेका छन्, जसमा करिब ७३ प्रतिशत सामुदायिक विद्यालय रहेका छन्।
