काठमाडौं । यातायातको जोर–बिजोर हटाउन र फागुन १ बाट विद्यालय सञ्चालन गर्न सिफारिस गरिएको छ । कोरोना संक्रमणदर घट्दै गएको भन्दै सिसीएमसीको आज बसेको बैठकले जोर–बिजोर हटाउन र यहि फागुन १ गतेबाट विद्यालय खोल्न सिफारिस गरेको हो।
सार्वजनिक सवारीसाधनमा जोरविजोर केहि दिन अघि हटाए पनि हाल निजी सवारी साधन र ट्याक्सीहरूमा जोर–बिजोर प्रणाली लागु नै थियो।
ट्याक्सी लगायत सवारी साधनमा हाल रहेको जोर–बिजोर प्रणाली हटाउन सरकारसँग पटक–पटक आग्रह गरेको राष्ट्रिय यातायात व्यवसायी महासंघका महासचिव सरोज सिटौलाले बताए । हाल लागु जोर–बिजोर प्रणाली हटेपछि मानिसहरुलाई आवागमनमा सहज हुने विश्वास सिटौलाले व्यक्त गरेका छन् ।
माघ १ गतेबाट विद्यालय बन्द गरिएको थियो । माघ १५ देखि २० सम्म विद्यार्थीलाई खोप लगाउन विद्यालय खुलेका भएपनि पुन बन्द विद्यालय बन्द गरिएका थिए । अब फागुन १ गतेबाट भने सम्पुर्ण विद्यालय खुल्ने भएका हुन् ।
यसै गरी रात्रिकालीन व्यवसाय र खेलकूद पनि सञ्चालनमा सहज बनाउने सिफारिस भएको स्रोतले जनाएको छ ।
