रामेछाप।
मन्थली नगरपालिकाले नगर सभाको १४ औ अधिबेशनको अबसरमा मन्थली नगरपालिका वडा नम्बर २ कि खेलाडी रुनिसा बस्नेत सम्मानित भएकी छन। बस्नेत भारतमा भएको तेस्रो अन्तर्राष्ट्रिय खुल्ला तेक्वान्दो प्रतियोगिता २०२३ को यू–४५ समूहमा भारतीय खेलाडीलाई हराउँदै नेपाललाई गोल्ड मेडल जिताउन सफल भएकी हुन। उक्त गोल मेडल मन्थली नगरपालिकाको खेलाडीले जित्नु भनेको नगरको जित हो। नगरका नागरिकले उत्कृष्ट काम गरेमा नगरले प्रोत्साहन गर्छ नगर प्रमुख लब श्रेष्ठले उल्लेख गरेका छन। नगरसभामा सम्बोधन गर्दै नगरभित्रका नागरिकको वृद्धि बिकासमा नगरले सहयोग गरे प्रतिबद्धता व्यक्त गरेका छन।
नगरपालिकाका नागरिकले उत्कृष्ट कार्य गरेको खण्डमा नगरपालिकाले सम्मान गर्ने मन्थली नगरका प्रबक्ता गोपाल श्रेष्ठले जानकारी दिएका छन। यो वडाको मात्र होइन सिङ्गो नगरकै सान र नाम राख्न सफल भएकोमा नगरको तर्फबाट सम्मान गरेको मन्थली २ का वडा अध्यक्ष सुरेन्द्र कार्कीले बताएका छन। अध्यक्ष कार्कीले उक्त खेलाडीलाई वडा र नगरले सयोग गर्ने वचन दिएका छन। सम्मानित बस्नेत भन्छिन् मलाई थप उर्जा मिलेको छ। स्थानीय सरकारले गरेको सम्मानले जिम्मेवार बोध भएको छ। म नगरको नाम राख्ने काम गर्छु।
