रामेछाप फोनिजको अध्यक्षमा दोहोरीए श्रेष्ठ

नेपाल आदिवासी जनजाति पत्रकार महासंघ (फोनिज) रामेछापको अध्यक्षमा कुमार श्रेष्ठ दोहोरिएका छन। पौष २७ गते मन्थली नगरपालिका ८ चिसापानी गढीमा निर्वाचन समितिका संयोजक आदिवासी जनजाति पत्रकार महासंघ बागमती प्रदेशका अध्यक्ष युबराज श्रेष्ठले कार्यसमिति घोषणा गरेका हुन।
श्रेष्ठको नेतृत्वमा केहि कार्यसमिति नयाँ रहेको निर्वाचन समितिका संयोजकले बताएका छन। मन्थली नगरपालिकाका प्रमुख लब श्रेष्ठको प्रमुख आतिथ्यतामा पाचौं जिल्ला अधिबेशनका सम्पन्न भएको हो। कुमार श्रेष्ठको नेतृत्वले जिल्लामा उत्कृष्ट काम गरेको छ। जनजाती पत्रकारहरुको संगठन भए पनि जिल्लाको सबै क्षेत्रमा काम गर्दै आएको नगर प्रमुखले स्मरण गराएका छन।
निर्वाचित कार्यसमितिलाई बधाई तथा कार्यकालको शुभकामना दिंदै स्थानीय सरकारले गरेको राम्रो कामलाई प्रचार र नराम्रो कामलाई खबरदारी गरिदिन अनुरोध समेत मन्थली नगरपालिकाका नगर प्रमुखले अनुरोध गरेका छन।