काठमाडौँ, ३१ असार
सङ्घीय मामिला तथा सामान्य प्रशासन मन्त्री राजकुमार गुप्ताले पदबाट राजीनामा दिनुभएको छ। उहाँले आज प्रधानमन्त्री केपी शर्मा ओलीसमक्ष आफ्नो राजीनामा पत्र बुझाउनुभएको हो।
राजीनामा दिने निर्णयको कारणबारे स्पष्ट पार्दै गुप्ताले आफूमाथि लागेका आरोपको निष्पक्ष छानबिन होस् भन्ने उद्देश्यले पदबाट अलग हुने निर्णय गरेको जानकारी दिनुभयो। साथै, अहिलेसम्म साथ र सहयोग गर्ने सबैप्रति धन्यवाद ज्ञापन गर्दै उहाँले पार्टीले भविष्यमा तोक्ने जिम्मेवारीहरूलाई इमान्दारिताका साथ पूरा गर्ने प्रतिबद्धता व्यक्त गर्नुभयो।
भूमि आयोग कास्कीको अध्यक्ष बनाउन २५ लाख र मालपोत कार्यालय कास्कीको तत्कालीन प्रमुखको सरूवा रोक्न ५३ लाख घुस लेनदेनसम्बन्धी ‘डिल गरेको’ अडिओ सार्वजनिक भएको भएपछि मन्त्री गुप्ताको राजीनामा माग भएको थियो।
