रामेछापमा सत्ता गठबन्धनको जित निश्चित भएको छ

रामेछाप । आमागी मंसिर ४ मा हुने निर्वाचनमा सत्ता गठबन्धनको जित निश्चित भएको छ। चुनावी प्रचारप्रसार लागि घर दैलो गर्दै हिडेको नेपाली काँग्रेस र माओवादी केन्द्रका उमेदवारको पक्षमा जनलहर बढ्दै गएको छ । चुनावी प्रचारका लागि घर दैलो गर्दै शुक्रवार सुनापातिको ३ खनियापानी पुगेको गठवन्धनको टोलीलाई स्थानीय बासिन्दाले भव्य स्वागत गरेका छन् ।
खनियापानीमा कार्यकर्ता भेलाका लागि पुगेका नेताहरुलाई समेत आश्चर्य हुने गरी उमेदवारको पक्षमा जनसागर उर्लिएको छ । गाउँको टाढा टाढाबाट आफ्ना उमेदवार संग साक्षात्कार गर्नका लागि खनियापानीवासी कार्यक्रममा भेला भएका थिए ।
प्रतिसभा सदस्यका उमेदवार नेपाली काँग्रेसका जिल्ला सभापति पूर्णवहादुर तामांग (कान्छाराम) र प्रदेश सभा सदस्य ख का उमेदवार युबराज चौलागाईं सहितका नेताहरु घर दैलो र कार्यकर्ता भेटघाट गर्दै शुक्रबार खनियापानी पुगेका हुन । उनिहरुले खनियापानी नागरिकका आवश्यकता पुरा गर्नका लागि पार्टीको घोषणा पत्र बमोजिमको काम गर्ने वताए । कार्यक्रममा उमेदवारहरुका अतिरीक्त माओवादी केन्द्र र नेपाली काँग्रेसका विभिन्न नेताहरुले धारणा राखेका थिए । उनीहरुले एमालेको सर्वसत्ताबाद चरित्रलाई जरै देखि फाल्न र संविधानको रक्षा गरी नागरिकलाई विकास र सुशासन दिनका लागि नेपाली काँग्रेस र माओवादी केन्द्रका उमेदवारलाई मतदान गर्न आग्रह गरेका छन।
उमेदवारहरुलाई स्थानीयले त्यस क्षेत्रका समस्या सुनाउदै समस्या समाधानका लागि आमागी निर्वाचनमा गठवन्धनलाई सघाउने आश्वासन दिएका छन।
गठवन्धन संग प्रतिस्पर्धामा रहेको नेकपा एमालेले पनि शुक्रबार खाँडादेबी गाउपालिका -५ पकारवासमा घर दैलो गरेका छन। वाडामा चुनावी घर दैलो गरेको छन। एमालेका केन्द्रीय सदस्य कमलप्रसाद चौलागाई, प्रतिनिधिसभाका उमेदवार कैलाश प्रसाद ढुंगेल, केन्द्रीय सदस्य माधव ढुंगेल, जिल्ला अध्यक्ष आनन्द श्रेष्ठ र प्रदेश सभा ख का उमेदवार मिलन घिसिङ लगाएत नेताकार्यकर्ता सहभागी भएका छन ।