रामेछापको मन्थली नगरपालिका–११ मा नेपाली कांग्रेसका वडाध्यक्षका उम्मेदवार गणेश बोहरा लगाएत एक दर्जन नेता कार्यकर्ताले नेकपा एमालेमा प्रवेश गरेका छन।
नेकपा एमालेले मंगलबार मन्थली ११नाटिलामा आयोजना गरेको मिसन ग्रासरुट कार्यक्रममा बोहरा एमालेमा प्रवेश गरेका हुन। बोहरालाई एमाले वाग्मती प्रदेश कमिटी सदस्य लब श्रेष्ठ, जिल्ल कमिटी उपसचिव प्रकाशकुमार कार्की, नगर कमिटी अध्यक्ष रामबाबु घिमिरे लगायतले सिंदुर र दोसला ओडाएर पार्टीमा स्वागत गरेका थिए।
बोहरा नेपाली कांग्रेसका वडा अध्यक्षका प्रत्यासी उम्मेदवार हुन। बोहरा सहित नेपाली कांग्रेसका मीन बहादुर बुढाथोकी , गणेश बहादुर थापा मगर र नेकपा माओवादी केन्द्र पार्टी परित्याग गरि ध्रुव बहादुर बुढाथोकी , भुल ब. मगर , तेज ब. मगर र रमेश मगर सहित एक दर्जन नेता कार्यकर्ताले नेकपा एमालेमा प्रवेश गरेका छन। कामको मुल्यांकन गरि पाटीले छिट्टै जिम्मेवारी दिने नेकपा एमालेका उपसचीव प्रकाश कुमार कार्कीले उल्लेख गरेका छन। । स्तरीय भेलामा नेताहरूले आफ्नो अफ्नो भनाइ राखेका थिए।
